O Instituto de Estudios Chairegos de Vilalba, organizou unha viaxe a Santiago de Compostela para asistir á manifestación convocada pola Mesa pola Normalización Lingüística en defensa do noso idioma, que tivo lugar o domingo, día 17 de maio.

 A saída de Vilalba, produciuse o propio domingo, ás 9.30 horas dende a Casa da Cultura, regresando de Santiago ás 17 horas do mesmo día.

O prezo do autobús foi de 5 € para os/as socios/as do IESCHA, e 10 € para os non socios. Para os menores  acompañados foi de balde.

Para este mesmo acto o IESCHA deseñou unhas camisetas co lema “Fala galego, non sexas pailán”.

A manifestación foi unha das máis numerosas que se recordan en Galicia, coa asistencia de preto de 50.000 persoas que, baixo unha choiva persistente, esixiron algo tan elemental como a defensa da lingua propia dos galegos:  o idioma galego.