|
BOLETÍN INFORMATIVO DO IESCHA “PENA DO ENCANTO” – Nº4 CASA DA CULTURA DE VILALBA 28 DE DECEMBRO DE 2007 20 HORAS
O venres, día 28 de decembro, na Casa da Cultura de Vilalba, o Instituto de Estudios Chairegos presentou o número catro do seu Boletín “Pena do Encanto”. Nel recóllense, ademais do Limiar debido á pluma de Bernardo García Cendán e da memoria bianual de actividades compiladas por Arturo Gómez Mato, traballos da autoría de Manuel Roca Cendán, Ricardo Polín, Anxel Felpeto Enríquez, Orlando Veiga e Xosé Manuel Blanco Prado. Así mesmo, insírense nel poemas de Santiago García Cillero, Xosé Otero Canto, Alberto Suárez Mato, Rafa Yáñez Jato e Ramón Noche Fraga. No acto de presentación interviron: José-Luis Novo Cazón, presidente do Iescha; Bernardo García Cendán, autor do Limiar e da Semblanza de Domingo Somoza García; Arturo Gómez Mato, secretario do IESCHA que relatará a memoria bianual deste Instituto; e Santiago García Cillero, que recitará algún dos poemas achegados a este número. O IESCHA remitiu aos seus socios a felicitación de Nadal e Aninovo, o número catro deste Boletín e outras dúas publicacións integrantes da Biblioteca do Instituto de Estudios Chairegos. |
