|
PRESENTACIÓN DO LIBRO O ESPÍRITO XACOBEO NA TERRA CHÁ. Sendeirismo na Chaira. Conservación do medio a través dos fitos.” de Mª Otilia Maceira Rodríguez e Elba Fernández González VENRES, 24 DE OUTUBRO DE 2008 - 20,30 horas CASA DA CULTURA DE VILALBA
  
O Instituto de Estudios Chairegos organizou o venres, día 24 de outubro, o acto de presentación do libro “O espíritu xacobeo na Terra Chá. Sendeirismo na Chaira. Conservación do medio a través dos fitos”, de Mª Otilia Maceira Rodríguez e Elba Fernández González, editado polo propio Iescha e subvencionado pola Dirección Xeral de Patrimonio Cultural, dependente da Consellería de Cultura e Deporte. Na presentación interviron, ademais das autoras antes citadas, Manuel Castro Santamariña, presidente do Iescha, e José Luis Novo Cazón, profesor e historiador. No libro descríbense rutas pertencentes aos concellos que forman parte da comarca natural da Terra Chá (Vilalba, Cospeito, Muras, Xermade, Abadín, Guitiriz, Begonte, Pastoriza, Castro de Rei, Rábade, Meira e Outeiro de Rei), comarca que aglutina no seu interior unha gran variedade de recursos naturais, moitos deles sen descubrir e incluso agochados non só ás miradas dos foráneos, senón tamén as dos propios veciños. Estes variados recursos, combinados coa fermosura do patrimonio artístico, cultural, etnográfico e arqueo-lóxico, son os que impulsan ás autoras a exploralos e recuperalos, para por de relevo todos os seus valores. Con esa finalidade, proponse un enfoque individualizado de cada ruta, sen limitarse a concibilas só como un mera bagaxe pola natureza senón con moi diversas finalidades: rutas etnográficas, deportivas, culturais, monumentais, didácticas, históricas, arqueolóxicas, naturais, antropolóxicas,.. todas elas como mesmo obxectivo a conservación do medio. VER CARTEL ANUNCIADOR
María Otilia Maceira Rodríguez (Codesido, Vilalba 1974), é licenciada en Historia Contemporánea, e Xeografía, Historia e Arte de Galicia pola Universidade de Santiago de Compostela. Logo da súa licenciatura traballou en diversos proxectos relacionados co campo das Humanidades: Historia, Arquivística, Museoloxía e Turismo. Así, en 1998 colaborou en labores de investigación no proxecto “Asociacionismo, política e mobilización na emigración transoceánica. O caso galego en perspectiva comparada (1880-1950)” dirixido polo catedrático da USC Xosé Manuel Núñez Seixas. Posteriormente realizou traballos de descrición e organización dos fondos dos Arquivos municipais de A Veiga, Taboada, Láncara e Castro de Rei. No ano 2004 ocupou o posto de animadora turística no concello de Vilalba, momento en que entrou en contacto co Instituto de Estudos Chairegos, e coa súa arela de investigar e difundir a cultura galega. Actualmente é responsable do inventariado de bens do Museo etnográfico da Capela, onde tamén realiza labores de guía, baixo a dirección da Sección de Museos da Consellería de Cultura e Deporte da Xunta de Galicia. Elba Fernández González (Román, Vilalba 1982), nun primeiro momento decantouse pola administración e formouse neste campo, cursando un FP2 o que equivale hoxe a un ciclo superior en administración e finanzas. Prosiga a súa formación académica cunha diplomatura en Turismo pola universidade da Coruña, coa especialidade de Planificación Turística de Galicia, moi relacionada co estudo dos bens turísticos de Galicia, as campañas de promoción turística e o marco legal de protección do patrimonio cultura e turístico de Galicia. Nese mesmo, período opten pola Escola Oficial de Idiomas un diplomatura en Inglés e Francés. O comezo da súa vida profesional foi no concello de Vilalba, no ano 2005 a cargo da oficina de turismo. Na actualidade combina a súa actividade profesional, cos estudos relacionados co campo de formación audivisual. |
