|
VI DÍA DA CULTURA CHAIREGA |
Venres, 10 de setembro de 2010-20,30 horas
DÍA DA CULTURA CHAIREGA
VI CABODANO DO PASAMENTO
DE MANUEL MARÍA
No Auditorio Municipal de VilalbaO INSTITUTO DE ESTUDIOS CHAIREGOS organiza o VI DÍA DA CULTURA CHAIREGA, que se instituiu na memoria de Manuel María, o autor do poemario "Terra Chá", auténtico creador literario desta comarca e do que se cumplen agora seis anos do seu falecemento. O acto levarase a cabo o venres, 10 de setembro, ás 20,30 horas, no Auditorio Municipal de Vilalba. e consistirá no seguinte:
· Presentación do CD “OS IRMANDIÑOS”, con poemas de Manuel María sobre a revolución irmandiña, musicados polo grupo A QUENLLA.
· Mesa redonda sobre o tema anterior na que intervirán:
o Avelino Pousa Antelo
o David Otero
o Mero Iglesias
o José Luis Rivas (Mini)
o Miro Casabella
o Alfonso Blanco Torrado
o Esperanza Lema
o José Luis Novo Cazón
· Actuación do grupo A QUENLLA, interpretando cancións do CD “Os Irmandiños”.
· Entrega do Diploma de Socio de Honra do IESCHA ao artista chairego ANXO LAMAS.
|
|
|
 V EXPOSICIÓN FOTOGRÁFICA TAL COMO ERAMOS Fotos para o recordo DENDE O 27 DE AGOSTO AO 17 DE SETEMBRO de 2010 NO AUDITORIO MUNICIPAL DE VILALBA I nauguración: Venres, 27 de agosto de 2008, ás 20.30 horas O Instituto de Estudios Chairegos “Pena do Encanto” inaugura o póximo venres, día 27 de agosto, na Sala de Exposicións do Auditorio Municipal de Vilalba, a mostra fotográfica baixo a denominación xenérica “Tal como eramos. Fotos para o recordo”, que chega á súa V edición. Esta mostra está integrada pola reprodución de 230 fotografías procedentes da fototeca do IESCHA, e que é posible grazas ás aportacións de moitos veciños e veciñas de Vilalba. As fotos son de temática variada (Antroido, Deportes, Celebracións, Actos Relixiosos, Feiras e Festas, Música, Nenas e Nenos, Grupos, Oficios e Actividades, Paisaxes e Recantos, Paseos, etc.) e a maioría delas corresponden á 1ª metade do pasado século XX. Tal como eramos V poderá ser contemplada entre o día 27 de agosto e o 17 de setembro na Sala de Exposicións do Auditorio Municipal de Vilalba, sendo a súa inauguración o venres, 27 de agosto ás 20,30 horas.
|
|
|
I TAL COMO ERAMOS-GUITIRIZ |
|
Entre o 23 de xuño e o 15 de agosto pódese visitar a I Exposición "Tal Como Eramos-Fotos para o Recordo" que o Instituto de Estudos Chairegos, en colaboración co Concello de Guitiriz e Foto Kantero, organiza na Escola Habanera da referida localidade chairega.Nela pódense contemplar unha variada mostra de imaxes de distintas épocas e actividades que teñen como tema central o concello de de Guitiriz.
|
|
|
PRESENTACIÓN DO PROXECTO CASA MUSEO DE MANUEL MARÍA VENRES, 18 DE XUÑO DE 2010-20,30 horas NO SALÓN DE ACTOS DO CENTRO CULTURAL E RECREATIVO DE VILALBA  O venres, 18 de xuño, ás 20´30 horas, terá lugar no Centro Cultural e Recreativo de Vilalba a presentación do proxecto de Casa Museo Manuel María, que está previsto executar nos próximos anos na casa natal do patriarca chairego, en Outeiro de Rei.
Intervirán neste acto Saleta Goi, presidenta da Fundación Manuel María de Estudos Galegos, Alberte Ansede, secretario desa Fundación e Manuel Roca Cendán, directivo do IESCHA. Ademais da proxección de imaxes que recrean virtualmente a que vai ser Casa Museo Manuel María, neste acto presentarase a Asociación de Amigos da Fundación Manuel María de Estudos Galegos, que se constituíu en Santiago de Compostela o día 17 de abril de 2010.
|
|
| | << Inicio < Anterior 1 2 3 4 5 6 7 8 9 10 Seguinte > Final >>
| | Resultados 26 - 30 de 59 |
|
¿Quen está en liña?
Hai 11 convidados en liña
|
